ისკო ალარკონის განცხადებით, იგი განსაკუთრებულად ემზადება სუპერ თასის დაპირისპირებისათვის, სადაც მადრიდული გიგანტი ანდალუსიურ „სევილიას“ შეერკინება და უძლიერესის ვინაობას გაარკვევს...

„ინტენსიურად ვემზადები დაპირისპირებისათვის, მე ვიცი თუ რა დონეს წარმოადგენს „სევილიას“ კოლექტივი. როდესაც „მალაგაში“ ვთამაშობდი, მათ წინააღმდეგ არაერთხელ მიასპარეზია.“

„დიდი იმედი მაქვს, მთავარი მწვრთნელი მენდობა და სუპერ თასის პაექრობაში მონაწილეობის მიღებას შევძლებ.“

„ჩემპიონთა ლიგის მოგებამ დიდი სიხარული მომგვარა, ახლა კი კიდევ ერთ ტიტულს უნდა დავეუფლოთ.“

„ტონი კროოსი აღმაფრთოვანებელი ფეხბურთელია, მას ბურთის დაჭერის განსაკუთრებული მანერა აქვს, გერმანელი ფეხბურთელი ნელ-ნელა გადის ადაპტაციას და უელსში გასამგზავრებლად ემზადება.“

„მოლაპარაკებებს არცერთ კლუბთან არ ვაწარმოებ, ჩემი მიზანი „ბლანკოსში“ დარჩენა გახლავთ, ძალიან მსურს მადრიდულ გიგანტში ფეხი მოვიკიდო და კლუბის დახმარება შევძლო.“