ანხელ დი მარიასთან დაკავშირებით პრესაში უკვე დიდი ხანია ბევრი ჭორი ვრცელდება, თუმცა რაც დრო გადის არგენტინელი ფეხბურთელი უფროდაუფრო უახლოვდება პარისენჟერმენში გადასვლას, თუმცა...

წესით დღეს, ესპანეთის დროით 17:00 საათზე (საქართველოს დროით 19:00) მსოფლიო ჩემპიონატის ფინალისტი "ვალდებებასის" საწვრთნელ ბაზაზე უნდა გამოჩნდეს, მას მადრიდელი გულშემატკივარი დიდი მოლოდინით ელის.

ფრანგული კლუბის ხარჯები მკაცრად კონტროლდება, რადგან მათ არაერთი ხმაურიანი ტრანსფერი გაჩარხეს, რამაც გუნდი ფინანსური Fair Play-ს დარღვევის ზღვრამდე მიიყვანა.

"პსჟ" ფეხბურთელის სანაცვლოდ მადრიდის "რეალს" 75 მილიონ ევროს სთავაზობს, თუმცა მანამდე ფრანგებმა რომელიმე მაღალფასიანი ფეხბურთელი უნდა დათმონ.

არგენტინელი შემტევი პარიზელებს სთხოვს, რაც შეიძლება დროულად იმოქმედონ, რათა კონტრაქტის გაფორმება მოხდეს და მოთამაშემ კლუბთან ერთად ვარჯიში შეძლოს.

როგორც ჩანს ანხელის მადრიდიდან წასვლას წყალი აღარ გაუვა, თუმცა დაველოდოთ მოვლენათა განვითარებას და იმედი ვიქონიოთ, რომ ის დარჩება.