ფერდინანდი : „გული მწყდება, რომ „რეალის“ წინააღმდეგ ვერ ვითამაშე“
რიო ფერდინანდის განცხადებით, მას გული წყდება, რომ მანჩესტერ „იუნაიტედის“ შემადგენლობაში აღარ არის და „რეალის“ წინააღმდეგ ასპარეზობა ვერ შეძლო...
„ფეხბურთელის ცხოვრებაში დგება მომენტი, როდესაც ვეღარ ხარ მოწოდების სიმაღლეზე. მანჩესტერ „იუნაიტედიდან“ წასვლის გადაწყვეტილება მე თვითონ მივიღე, რადგან ვთვლი, რომ სეზონში იმდენი დაპირისპირების ჩატარება აღარ შემიძლია, რამდენსაც ეს კლუბი ატარებს, თანაც ლუის ვან გაალი კლუბში ახალი გეგმებით მოვიდა და გუნდის გაახალგაზრდავების პროცესს შეუდგა.“
„სამეფო კლუბში ჩემი არაერთი მეგობარი თამაშობს, დიდი სიამოვნებით ვითამაშებდი მათ წინააღმდეგ ამერიკის შეერთებულ შტატებში, თუმცა ვერაფერს ვიზამთ.“
„კრიშტიანო რონალდუს დაბრუნებამ ძალიან გამახარა. ვიცოდი, რომ პორტუგალიელ ფეხბურთელს ფეხზე პრობლემა ჰქონდა, როგორც ჩანს რონიმ ტრავმა დაძლია და მოედანზე შესვლა შეძლო.“
- 4 აგვისტო 2014
- 1 721
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
