რამდენიმე დღის წინ პრესაში გავრცელდა ინფორმაცია, რომელიც ალვარო არბელოას მიმართ ლონდონის „არსენალის“ მთავარი მწვრთნელის, არსენ ვენგერის ინტერესს ეხებოდა...

ინგლისურ წყაროებზე დაყრდნობით, მეთოფეები მზად არიან სამეფო კლუბს ფეხბურთელის სანაცვლოდ 8 მილიონი ევრო გადაუხადონ და მოთამაშეს 4 წლიანი ხელშეკრულებას შესთავაზონ.

კარლო ანჩელოტის პოზიცია ამ თემასთან დაკავშირებით უცნობია, თავად ესპანელი მცველი კი თავდაუზოგავად ვარჯიშობს და სეზონის დასაწყებად ემზადება, აქედან გამომდინარე არანაირი წინაპირობა არ არსებობდა იმისი, რომ ალვარო სხვაგან წავიდოდა, თუმცა დღეს გავრცელდება ინფორმაცია იმის შესახებ, რომ არბელოა მზად არის პრემიერლიგაში გადავიდეს იმ შემთხვევევაში თუ ლონდონელები მას ხელფასის სახით წელიწადში 5.5 მილიონ ევროს შესთავაზებენ.

„მეთოფეთა“ ხელმძღვანელობას ხსენებული თანხის გაგონებაც არ სურს და მოთამაშეს სარგოს სახით მაქსიმუმ 2.7 მილიონ ევროს სთავაზობს.

როგორც ჩანს ფეხბურთელისა და მსურველი კლუბის პოზიციები აშკარად განსხვავებულია, აქედან გამომდინარე დიდი შანსი იმისა, რომ მოლაპარაკებები ჩიხში შევიდეს.