„ვალენსიას“ ყოფილი გოლკიპერი, სანტიაგო კანისარესი აცხადებს, რომ მადრიდის „რეალმა“ კეილორ ნავასის სახით უმაღლესი დონის კიპერი დაიმატა...

„ესპანეთის ჩემპიონატს თვალს ხშირად ვადევნებ, რადგან რამდენიმე ტელევიზიაში მატჩების ანალიზს ვაკეთებ, აქედან გამომდინარე ხშირად ვუყურებდი „ლევანტეს“ თამაშებსაც, რომელიც შარშან ძალიან მაღალ დონეზე ასპარეზობდა და ცოტა დააკლდა ჩემპიონთა ლიგის ზონაში შესვლამდე.“

„კეილორ ნავასი დღესდღეობით ერთ-ერთი საუკეთესო მეკარეა. კოსტარიკელმა მეკარემ საკუთარი კლუბის წინსვლაში უდიდესი როლი ითამაშა. თამამად შემიძლია განვაცხადო, რომ ფლორენტინო პერესმა კეილორის სახით უდიდესი შენაძენი გააკეთა.“

„იკერ კასილასს დიდი ხანია ვიცნობ, მე ვიცი თუ რა დონეს წარმოადგენს სამეფო კლუბის კაპიტანი, თუმცა ვთვლი, რომ ნავასი მას დიდ კონკურენციას გაუწევს, სტადიონზე კი ის გავა, რომელიც უკეთეს ფორმაში იქნება.“