სამწუხარო ინფორმაცია მადრიდის "რეალის" სამედიცინო შტაბიდან. გუნდის პორტუგალიელ მცველ პეპეს ჩაუტარდა გამოკვლევა, რის შემდეგაც დადგინდა, რომ მადრიდელთა მცველი ექვს თვეს გამოტოვებს. მან მარჯვენა მუხლის მყესები გაიწყვიტა.

პეპეს სამედიცინო გამოკვლევა დღეს დილით კლინიკა "Sanitas"-ში ჩაუტარდა. პეპე გამოტოვებს მსოფლიო ჩემპიონატსაც. "რეალს" მნიშვნელოვანი ფეხბურთელი დააკლდა.

პეპე "ვალენსიასთან" მატჩის პირველ ნახევარში ვილიასთან ორთაბრძოლის დროს ცუდად დაეცა გაზონზე, რის შემდეგაც მოითხოვა მოედნიდან გაყვანა. ყველა მიხვდა, რომ მძიმედ იყო სიტუაცია.

ყველა ელოდა, რომ ფეხბურთელი სამ თვეს გამოტოვებდა, მაგრამ გამოკვლევებმა ძალიან ცუდი ინფორმაცია გაავრცელა. პეპე სეზონის ბოლომდე დააკლდება "სამეფო კლუბს".


ინფორმაციის წყარო: Defensacentral.com