ემილიო ბუტრაგენიოს განცხადებით, მადრიდის "რეალის" ხელმძღვანელობა ხამეს როდრიგესზე ძალიან დიდ იმედებს ამყარებს...

"კოლუმბიელი ფეხბურთელის სანაცვლოდ საკმაოდ დიდი თანხა გადავიხადეთ, მაგრამ ეს იმას არ ნიშნავს, რომ მას რაიმე ზეწოლა ექნება. გვსურს, რომ ხამესმა თავისუფლად ითამაშოს და სამეფო კლუბის გულშემატკივრებს თავი შეაყვაროს."

"მადრიდელები საკუთარი გუნდის ფეხბურთელებს ძალიან აფასებენ, მაგრამ ამასთანავე მომთხოვნებიც არიან. "ინჩასებს" ყოველთვის მოგება და წინსვლა სურთ. "რეალი" ყოველთვის ტიტულებზე უნდა იყოს ორიენტირებული."

"ბრაზილიაში ჩატარებულმა მუნდიალზე როდრიგესზე შესანიშნავი წარმოდგენა შემიქმნა, დარმწუნებული ვარ ის "ბლანკოსში" საკუთარ ისტორიას დაწერს, ძალიან მომწონს ეს ფეხბურთელი და მასზე დიდ იმედებს ვამყარებ."

"პრეზენტაციაზე როდრიგესის ხილვის საშუალება მქონდა, მას რამდენიმე წუთით გავესაუბრე და წარმატებები ვუსურვე."

"მოუთმენლად ველი სეზონის დაწყებას, სადაც კოლუმბიელის სახეს რეალურად დავინახავთ, ის უმოკლეს დროში გაივლის ადაპტაციას."