"ვალენსიასთან" მატჩის გმირმა გონსალო იგუაინმა კომენტარი გააკეთა. ის გახარებულია გუნდის გამარჯვებით.

გონსალო იგუაინი კარიერაში ერთ–ერთ ყველაზე საუკეთესო დროებას განიცდის. თავდამსხმელმა დღეს ორი გოლის გატანა მოახერხა "ვალენსიას" კარში და გუნდის საუკეთესო ბომბარდირია რვა გატანილი გოლით.

"პიპიტამ" კრისტიანო რონალდოს არყოფნაში ლიდერის ფუნქციები დიდებულად შეითავსა. პორტუგალიელის გარეშე მოთამაშე იგუაინმა ორი გოლის გატანა მოახერხა და გუნდს უმნიშვნელოვანესი სამი ქულა მოუტანა.

"გახარებული ვარ გამარჯვებით. გუნდმა მნიშვნელოვანი სამი ქულა მოიპოვა. ასევე მიხარია, რომ მოვახერხე ორი გოლის გატანა. პირველმა ტაიმმა რთულად ჩაიარა, მაგრამ მეორე ტაიმში ვიპოვეთ ჩვენი თამაში და მოვიგეთ კიდეც".

"ჩემი გოლები ჩემი პარტნიორების დამსახურებაა. ქარიმს მადლობას ვუხდი საგოლე გადაცემისთვის. იმედია კარგად შევეწყობით ერთმანეთს და ბევრი გოლის გატანას მოვახერხებთ" – განაცხადა "პიპიტამ".


ინფორმაციის წყარო: Defensacentral.com