სამეფო კლუბის "შვიდიანი" თავდაუზოგავ ვარჯიშს აგრძელებს.

დღეს დილით, ფეხბურთელი Cotton Bowl-ს ეწვია, სადაც მადრიდელები "რომას" შეერკინებიან, და ეულად გაისარჯა.თავდაპირველად, სატრენაჟორო დარბაზში იმუშავა, ხოლო შემდეგ მოედანზეხ
გააკეთა გარკვეული სავარჯიშოები.

რონალდუ დიდი მონდომებით ასრულებს მწვრთნელის მითითებებს.ის ამხანაგურ მატჩებში მონაწილეობას ვერ მიიღებს, თუმცა მიუხედავად ამისა, საჭიროდ ჩათვალა ამერიკაში ჩასვლა და თანაგუნდელების გვერდით ყოფნა.პორტუგალიელი ყველაფერს აკეთებს, რათა მუნდიალზე მიღებული დაზიანება უკან იყოს მიტოვებული და ახალ სეზონს სრულ მზადყოფნაში შეხვდეს.

აღსანიშნავია, რომ ვარჯიშის დასრულების შემდეგ, კრიშტიანუ ქომაგებს შეხვდა, რომლებიც მოუთმენლად ელოდებოდნენ მის გამოჩენას.