2 აგვისტოს, საერთაშორისო ჩემპიონთა ტურნირის ფარგლებში, სამეფო კლუბი „მანჩესტერს“ შეერკინება.

აღნიშნული დაპირისპირება მიჩიგანში, ადგილოგრივი უნივერსიტეტის სტადიონზე გაიმართება, რომელიც არც მეტი არც ნაკლები, 109.901 ქომაგს იტევს, თუმცა თითქმის საუკუნოვანი ისტორიის განმავლობაში, პირამდე სავსე არავის უნახავს.

ჟურნალისტები ვარაუდობენ, რომ მადრიდელებისა და მანჩესტერელების პოპულარობის ფონზე, შესაძლოა ისტორიული ფაქტი დაფიქსირდეს „მიჩიგანზე“ და ნანატრი ანშლაგიც შედგეს.

ჯერჯერობით, ყველაზე მეტი მაყურებელი (105,591) 2010 წელს დაფიქსირდა, როდესაც Michigan Wolverines-ის საშინაო არენამ, ჰოკეის შეხვედრას უმასპინძლა.

MARCA