მადრიდის რეალის ბრაზილიელმა ლიდერმა, რიკარდო კაკამ განაცხადა, რომ სამეფო კლუბი ძალიან ძლიერია და ვალენსიას დამარცხებას მისი და რონალდოს გარეშეც შეძლებს...

,,დასანანია, რომ ამ მატჩში ვერ მივიღებ მონაწილეობას, მაგრამ მჯერა, რომ ჩემი თანაგუნდელები ძალიან კარგად ითამაშებენ და დამაჯერებლად შეძლებენ გამარჯვების მოპოვებას მესტალიას სტადიონზე".

,,ჩემი საქმეები კარგად მიდის, ყველანაირად ვცდილობ, რომ რაც შეიძლება მალე დავუბრუნდე მოედანს და კვლავ მოვირგო ჩემი საყვარელი კლუბის ფორმა".

,,კრისტიანო რონალდო გუნდის უდავო ლიდერი და უმნიშვნელოვანესი ფიგურაა მაგრამ ,,ბლანკოსი" მხოლოდ მე და კრისტიანო არ ვართ, მე დარწმუნებული ვარ ჩემი თანაგუნდელების კლასში, არ დაგვავიწყდეს ჩვენი ლეგენდა რაული, იგი ნებისმიერ წამს სახიფათოა მეტოქისთვის".

,,ვალენსია პრიმერა დივიზიონში ძალიან დამაჯერებლად ასპარეზობს, გამარჯვების შემთხვევაში ისინი დაგვეწევიან სატურნირო ცხრილში, რაც ჩვენ არ გვსურს, ჩვენ გამარჯვება და სტაბილურობა გვსურს, დარწმუნებული ვარ კარგი თამაშის მომსწრენი გავხდებით, რომლის გამარჯვებულიც სამეფო კლუბი იქნება" - განაცხადა ბრაზილიელმა ნახევარმცველმა.