"24 საათის მანძილზე საერთო ჯამში 345 000 ხამეს როდრიგესის მაისური გაყიდა, რომლის ღირებულებამაც 33,4 მლნ. ევრო შეადგინა, საიდანაც "მადრიდის რეალის" ბიუჯეტში 40% ანუ 13 მლნ. ევრო შევიდა.

ხამეს როდრიგესის ირგვლივ კვლავ აჟიოტაჟია "მადრიდის რეალის" გულშემატკივრებში. ყველაფერი ნათლად მისი პრეზენტაციის დროს გამოჩნდა, როცა "სანტიაგო ბერნაბეუზე" 40 000-მდე გულშემატკივარი მივიდა. კვლევებმა აჩვენეს, რომ პრეზენტაციის დღეს 24 საათის მანძილზე 345 000 ხამეს როდრიგესის 10 ნომრიანი მაისური გაიყიდა, რაც ბრწყინვალე მაჩვენებელია.

მარკეტინგული კომპანია Euromericas-ს მიერ ჩატარებული კვლევით დგინდება, რომ საშუალოდ აღნიშნული მაისურების ფასი 97 ევროს შეადგენს, რაც საბოლო ჯამში 33,4 მლნ. ევროს გვაძლევს, აქედან 40% კლუბის ბიუჯეტში მიდის, რაც 13,36 მლნ. ევროა. როგორც ციფრებიდან ჩანს, კლუბი შეუდგა ხამეს როდრიგესის სანაცვლოდ გადახდილი თანხის ამოღებას.