ალბათ, ხამესის პრეზენტაციაზე არავინ ელოდა 40 ათას ქომაგს და ამიტომაც, "ბერნაბეუზე" უსაფრთხოების ზომები ბოლომდე გამკაცრებული არ იყო.

როდესაც კოლუმბიელი მოთამაშე მწვანე მინდორზე ბურთების დასარიგებლად გავიდა, რამდენიმე ქომაგმა მასთან მიახლოვება მოახერხა, რასაც ადეკვატური რეაქცია მოჰყვა სტადიონის დაცვის თანამშრომლებისაგან, თუმცა როდრიგესის მყისიერი ჩარევის შემდეგ, გულშემატკივრები უვნებელად გაათავისუფლეს და მეტიც, "რეალის" ახალწვეულმა პირადად გადასცა საჩუქრად ბურთები.