მაშასადამე, კოლუმბიელი ხამეს როდრიგესი, სამეფო კლუბის სრულფასოვანი წევრი გახდა.მას პირველმა, ფლორენტინო პერესმა მიულოცა გაამდრიდელება.

პერესი: „განვლილ სეზონში „კოპა დელ რეი“ და „ლა დესიმა“ მოვიგეთ, თუმცა მიღწეულზე გაჩერებას არ ვაპირებთ.მხოლოდ გაძლიერებასა და მეტ წარმატებაზე ვფიქრობთ.“

„მადრიდისტებს ყოველთვის სწყურიათ ტიტულები და გამარჯვებები.ამიტომც ვართ ნიჭიერი ფეხბურთელების ძიებაში.“

„სამწუხაროდ, ჩვენს გვერდით აღარ იმყოფება დი სტეფანო, რომელმაც „რეალისა“ და მსოფლიო ფეხბურთის ისტორია შეცვალა.“

„დღეს, პატივი მაქვს, წარგიდგინოთ ხამეს როდრიგესი.ბრწყინვალე თამაშისა და გოლების წყალობით, ის საუკეთესო იყო მუნდიალზე.“

„ბიჭუნა, რომელიც რონალდოსა და ზიდანის მაისურის მორგებაზე ოცნებობდა, დღეს თავად გახდა დიადი კლუბის ნაწილი.“

„ხამეს, კეთილი იყოს შენი მობრძანება სახლში!“

ხამესი: „თავს ძალიან ბედნიერად ვგრძნობ.იმედი მაქვს, გავამართლებთ მოლოდინებს და ბევრ ტიტულს მოვუტან ახალ გუნდს.“

აღსანიშნავია ის ფაქტი, რომ მოთამაშის პრეზენტაციას 30 ათასამდე ქომაგი დაესწრო.