რამდენიმე დღის წინ, ლონდონის "ჩელსის" მთავარმა მწვრთნელმა, ჟოზე მოურინიომ განაცხადა, რომ მისი გუნდში მიმდინარე სატრანსფერო ბაზარზე მატება აღარ იქნება, თუმცა როგორც ჩანს სიტუაცია შეიცვალა...

პორტუგალიელ სპეციალისტს ძალიან მოსწონს სამი ხედირა, რომელთან ერთადაც მადრიდის "რეალში" წლების მანძილზე მუშაობდა.

გერმანელი ფეხბურთელი უფრო მეტად "არსენალთან" იყო დაკავშირებული, თუმცა სამიმ ლონდონელებს კოლოსალური ხელფასი მოთხოვა, რაზეც უარი მიიღო, აქედან კი გამოდის, რომ მოლაპარაკებები ჩიხში შევიდა, რაც ძალიან კარგად იცის მოურინიომ.

მომდევნო დღეებში "არისტოკრატებმა" შესაძლოა ახალი შეთავაზება გაუკეთონ "ბლანკოსის" მესვეურებს.

მას შემდეგ, რაც გუნდში მოვიდა ტონი კროოსი და სავარაუდოდ დღეს ოფიციალურად დადასტუდება ხამეს როდრიგესის ტრანსფერიც, ხედირას როლი კლუბში არც ისე მნიშვნელოვანი ხდება, აქედან გამომდინარე მას სათამაშო დრო შეუმცირდება, რაც ნამდვილად არ ასხამს ფეხბურთელის წისქვილზე წყალს.

ნახევარმცველის ფასი 25-იდან 30 მილიონ ევრომდე მერყეობს.