Goal.Com-ის ჟურნალისტის, დანკან კასტლის ინფორმაციით მადრიდის რეალი და მონაკო ხამეს როდრიგესის ტრანსფერზე შეთანხმდნენ. თეთრები ახალგაზრდა კოლუმბიელის სანაცვლოდ ზუსტად იმდენივეს გადაიხდიან, რამდენიც ბარსელონამ გაიღო ლუის სუარესის სანაცვლოდ (88 მლნ. ევრო).

კლუბებს შორის შეთნხმება უკვე შედგა, ახლა საჭიროა მადრიდის რეალი და თავად ფეხბურთელი შეთანხმდნენ კონტრაქტის პირობებზე. პერესის მთავარ სამიზნეს სატრანსფერო ფანჯრის გახსნისთანავე წარმოადგენდა 23 წლის ფეხბურთელი და საკმაოდ სოლიდურ ხელფასსაც სთავაზობს. სამწუხაროდ Goal.Com-მა ვერ გაარკვია რამდენი იქნება როდრიგესის ანაზღაურება მადრიდის რეალში.

იმ შემთხვევაში, თუ აღნიშნული ტრანსფერი წარმატებით განხორციელდება ხამესი სუარესთან ერთად მსოფლიო სატრანსფერო რეკორდებში მესამე ადგილს გაიყოფს. ისკო ალარკონს კი ახალი კლუბის ძებნა მოუწევს. ყველაზე მეტად მისი სამსახურით ლივერპულია დაინტერესებული.

სამეფო კლუბი კიდევ ერთ კოლუმბიელ ფეხბურთელს - რადამელ ფალკაოს აკვირდება, მაგრამ აქ მდგომარეობა სხვაგვარად არის, პერესი სამედიცინო დეპარტამენტის წარმომადგენლებისგან ელოდება პასუხს, ვინაიდან ფორვარდს სერიოზული ტრავმა ჰქონდა და სამეფო კლუბის პრეზიდენტს დიდი თანხით გარისკვა არ სურს.

ინფორმაციის წყარო: Goal.Com