კლუბმა გეზი ლოს-ანჯელესისკენ აიღო

"მადრიდის რეალი" ბოლო ხუთი წლის მანძილზე მეხუთეჯერ მიემგზავრება აშშ-ს ტურნეზე. კარლო ანჩელოტის შემადგენლობაში ცხრა კასტილიელი (პაჩეკო, ლორენტე, დერიკი, მოდარი, მედრანი, მარკოს ლორენტე, ლუკასი, დე ტომასი და სობრენო) მოხდა. მათ ემატებიან ხაბი ალონსო, პეპე და კოენტრაუ, რომლებმაც ადრე შეწყვიტეს თავიანთი შვებულება

ფეხბურთელები 12 საათის მანძილზე 9 345 კმ-ს გაივლიან მანამ, სანამ ლოს-ანჯელესში ჩაფრინდებიან. ისინი ბინას ბევერლი ჰილსში დაიდებენ, ხოლო ვარჯიშებს ამჯერადაც UCLA-ს სამწვრთნელო ბაზაზე გამართავენ.

ორი ტიტული წინასასეზონოდ

"მადრიდის რეალი" სამ ამხანაგურ შეხვედრას გამართავს ა.შ.შ-ში: 27 ივლისს "ინტერის" წინააღმდეგ, 30 ივლისს "რომას" წინააღმდეგ და 2 აგვისტოს "მანჩესტერ იუნაიტედის" წინააღმდეგ. ამის შემდეგ გაირკვევა , შეძლებენ თუ არა ფინალში გასვლას, რომელიც 4 აგვისტოს გაიმართება. გარდა ამისა 16 აგვისტოს "თეთრები" "ფიორენტინას" დაუპირისპირდებიან, ხოლო ამის შემდეგ იქნება სამი ოფიციალური შეხვედრა, რომლითაც ორი ტიტული გათამაშდება: ევროპის სუპერ თასი "სევილიას" წინააღმდეგ 12 აგვისტოს კარდიფში და ესპანეთის სუპერ თასი "ატლეტიკოს" წინააღმდეგ (19 და 22 აგვისტოს)

წყარო: AS