ბრიტანული წყაროებით მიხედვით, მერსისაიდული "ლივერპული" პორტუგალიელი მარცხენა მცველის, ფაბიო კოენტრაოს შეძენას შეეცდება...

ინგლისის ერთ-ერთი ყველაზე ტიტულოვანი კლუბი მიმდინარე სატრანსფერო ფანჯარაზე საკმაოდ აქტიურობს, რადგან მათ ლუის სუარესი გაუშვეს, რის სანაცვლოდაც საკუთარი ბიუჯეტი 88 მილიონი ევროთი შეავსეს. ამ გარემოებამ მერსისაიდელებს აქტიურობის საშუალება მისცა.

გავრცელებული ინფორმაციის თანახმად "წითლები" მზად არიან მადრიდის "რეალის" ხელმძღვანელობას ფაბიოს სანაცვლოდ 18 მილიონი ევრო შესთავაზონ, ფეხბურთლეთან კი 4 წლიანი ხელშეკრულება გააფორმონ, რომლის სახელფასო დეტალები ცნობილი არ არის, რადგან ოფიციალური შეთავაზება არავის გაუკეთებია.

თავად ფეხბურთელი რამდენიმე დღეში ამერიკაში გაემგზავრება და კლუბს შეუერთდება, თუმცა არ არის გამორიცხული შეთანხმების შემთხვევაში შეერთებული შტატებიდან მან არა ესპანეთის, არამედ ნისლიანი ალბიონისკენ აიღოს გეზი.