კარლო ფერნანდოს მუშაობით ძალიან კმაყოფილია
მადრიდის "რეალის" მთავარი მწვრთნელი, კარლო ანჩელოტი კმაყოფილებას ვერ მალავს ფერნანდო იეროს გაწეული სამუშაოს გამო...
ესპანელი ლეგენდარული ფეხბურთელი ყველაფერს აკეთებს იმისათვის, რომ გაცემული ავანსები გაამართლოს და საკუთარი სამწვრთნელო კარიერა პროგრესისკენ წაიყვანოს.
იერო განსაკუთრებული თავმდაბლობით გამოირჩევა, ის კარლიტოს ყველა სიტყვას უდიდეს ყურადღებას აქცევს და ყველაფერს ისე აკეთებს, როგორც იტალიელი დაავალებს, თუმცა ეს იმას არ ნიშნავს, რომ ესპანელს საკუთარი აზრი არ აქვს. იერო ყველაფერზე აცნობს საკუთარ დამოკიდებულებას მთავარ მწვრთნელს, რაც კარლოს ძალიან სიამოვნებს, რადგან ესპანელი ბევრ სასარგებლო რჩევას იძლევა.
ყველაფერთან ერთად ფერნანდოს ფეხბურთელებთან ურთიერთობის ძალიან კარგი ნიჭი აქვს, ის განსაკუთრებით ეფექტურად მცველებთან მუშაობს, რადგან სწორედ დაცვის ხაზს ამაგრებდა წლების მანძილზე.
ისევე როგორც ზინედინ ზიდანი, ფერნანდოც ძალიან ნაყოფიერად მუშაობს "კასტილიელებთან", რომლებსაც იერო უდიდეს ფსიქოლოგიურ დახმარებას უწევს.
- 21 ივლისი 2014
- 1 742
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
