გუშინ, მადრიდის აეროპორტში, დიდი ვნებათა-ღელვა მოჰყვა კოლუმბიელის გამოჩენას, თუმცა ეს ის არ იყო, რაც გულშემატკივრებს ეგონათ.

გამომდინარე იქედან, რომ სამშობლოდან მონაკოს მიმართულებით თვითმფრინავები არ დაფრინავენ, ხამესს მედილენი-მადრიდი-ნიცას (ამ ქალაქიდან 20 კმ-ში მდებარეობს პატარა სამეფო) რეისით მოუწია მგზავრობა და ესპანეთის დედაქალაქშიც მხოლოდ 1 საათით შეყოვნდა.

მაგრამ "ცრუ განგაში" არაფერს ცვლის ფეხბურთელისათვის.მას უკვე მიმდინარე კვირაში ელოდებიან "ბლანკოსში."

რამდენიმე დღეში, პერესი მონაკოელ კოლეგას შეხვდება და ბოლო დეტალებს შეათანხმებს, რის შემდეგაც როდრიგესი პრეზენტაციისათვის კვლავ მადრიდში დაბრუნდება, ხოლო შემდეგ. ყისვე შეუერთდება ამერიკულ ტურნეში მყოფ ახალ თანგუნდელებს.

როგორც AS წერს, "რეალში" უკვე მზად არიან ხამესის წარსადგენად.კლუბმა დაამზადა სპეციალური ვიდეო-რგოლი და კეთილმოაწყო "ვალდებებასის" ბაზაზე 22 წლის ნახევარმცველისათვის განკუთვნილი ოთახი.