მას შემდეგ, რაც გავრცელდა ინფორმაციები იმის შესახებ, რომ ხამეს როდრიგესის მადრიდის "რეალში" გადასვლას წინ აღარაფერი უდგას, ბევრი ჭორო აგორდა ისკო ალარკონის გუნდიდან წასვლის შესახებ, რადგან მისი შანსები კიდევ უფრო შემცირდება...

ესპანელი ნახევარმცველის შეძენისთვის რამდენიმე კლუბი იბრძოლებს, მათ შორის კი ინგლისური "ლივერპული" და იტალიური "მილანიც" არიან.

დღეს გავრცელებული ინფორმაციის მიხედვით და ანდალუსიურ "სევილიასაც" აქვს წინადადება სამეფო კლუბის ხელმძღვანელობასთან. ესპანელები მზად არიან ალარკონის სანაცვლოდ 30 მილიონი ევრო გამოყონ, მხოლოდ ერთი ცვლილებებით, ისინი "ბლანკოსის" ბიუჯეტში ჯერ 23, სეზონის მეორე ნახევარში კი დანარჩენ 7 მილიონ ევროს ჩარიცხავენ.

ამასთანავე ვრცელდება ინფორმაციები, რომელიც ფეხბურთელის ხელფასს ეხება. ანდალუსიელები ესპანელ ნახევარმცველს წლიურად 5.5 მილიონ ევროს სთავაზობენ, რაც ნამდვილად არ გახლავთ პატარა თანხა.

თავად ფეხბურთელი ამ თემასთან დაკავშირებით კომენტარს არ აკეთებს და სამეფო კლუბთან ერთად ამერიკის შეერთებულ შტატებში წასასვლელად ემზადება.