მოგეხსენებათ, ალვარო მორატას ახალი კლუბი ტურინის "იუვენტუსი" გახლავთ. იტალიურმა კლუბმა ესპანელი ფორვარდი არა იჯარით, არამედ სრული გამოსყიდვის წესით შეიძინა, თუმცა კონტრაქტში ჩაიდო პუნქტი, რომლის მიხედვითაც მომდევნო 2 წლის მანძილზე, ფლორენტინო პერესს წინახაზელის დაბრუნების საშუალება მიეცემა...

თუ "რეალის" ხელმძღვანელობა "კანტერანოს" დაბრუნებას მოინდომებს, 30 მილიონი ევროთი მოუწევს ჯიბის გათხელება, თუმცა ისიც აღსანიშნავია, რომ კლუბმა 20 მილიონი მიიღო.

კლუბს შეეძლება გაცილებით და გამოცდილი და სათამაშო პრაქტიკას არმოკებული ალვარო მხოლოდ 10 მილიონად დაიმატოს, თუმცა ეს ყველაფერი არ არის.

გავრცელებული ინფორმაციით "ბებერმა ქალბატონმა" ფეხბურთელთან კონტრაქტში ჩადო პუნქტი, რომლის მიხედვითაც, თუკი რომელიმე სხვა კლუბი მოთამაშის დამატებას მოინდომებს, 100 მილიონი ევროს გადახდა მოუწევს. (ეს დეტალი არ ეხება სამეფო კლუბს, ესპანელებს მხოლოდ 30 მილიონის გადახდა მოუწევთ.")

საინტერესოა, რომ თუ ალვარომ სხვა კლუბს მიაშურა და "იუვემ" 100 მილიონი ევრო მიიღო, 30 ლიმონის გაშვება ესპანეთის დედაქალაქში მოუწევს, რადგან სატრანფერო უფლებების 30%-ს სწორედ "ბლანკოსი" ფლობს.

რა გამოდის? "იუვესგან" "მერენგებმა" 20 მილიონი ევრო მიიღეს, მისი სხვა კლუბში გაშვების შემთხვევაში კი დამატებით 30 მილიონით შეივსებენ ჯიბეს, რაც ჯამში 50 "ლიმონი" იქნება.

მორატა გახლავთ რეკორდსმენი, რადგან ის არის პირველი კასტიელიელი, რომელიც 20 მილიონად გაიყიდა, თუმცა დიდი შანსია იმისა, რომ მან 50-იან ნიშნულსაც მიაღწიოს და მისი შედეგი მიუღწეველი გახადოს.