მოგეხსენებათ, დიეგო ლოპესის სამეფო კლუბიდან აბარგების შესახებ არაერთხელ ითქვა და დაიწერა, თუმცა კიპერი ჯერ-ჯერობით კვლავაც "ბლანკოსის" შემადგენლობის წევრია...

ვრცელდებოდა ხმები იმის შესახებ, რომ ესპანელ მეკარეს ფლორენტინო პერესი ხამეს როდრიგესის ტრანსფერში ჩართავს, თუმცა დიეგო "მონაკოში" გადასვლის კატეგორიული წინააღმდეგია, რადგან თვლის, რომ საფრანგეთის ჩემპიონატში ასპარეზობა მისთვის არაპრიორიტეტულია.

რამდენიმე დღის წინ ბევრი წყარო იუწყებოდა ლოპესის აბარგების შესახებ, თუმცა ეს მხოლოდ იმ შემთხვევაში მოხდებოდა, თუ ესპანელს სოლიდურ ხელფასს დაუნიშნავდნენ, აქედან კი ვასკვნით, რომ ფრანგებს კარის დარაჯისთვის დიდი ფულის გადახდა არ სურთ.

იმ შემთხვევაში თუ "ლევანტეს" მეკარე, კეილორ ნავასი "რეალმა" ოფიციალურად გაიფორმა, ორი აზრი არ არსებობს გუნდს ან ლოპესი, ანაც კაპიტანი კასილასი დატოვებს, აქედან გამომდინარე მოვლენები შესაძლოა ნებისმიერ წუთს დაიძაბოს.