აგენტი : "გარწმუნებთ, ალონსო მომდევნო სეზონს მადრიდში გაატარებს"
მას შემდეგ, რაც მიუნხენის "ბაიერნთან" შეთანხმება მოხერხდა და ტონი კროოსმა სამეფო კლუბის მაისური მოირგო, მაშინვე დაიწერა პრესაში იმის შესახებ, რომ რაფაელ ბენიტესს ბასკი ფეხბურთელის ხილვა "ნაპოლის" შემადგენლობაში სურდა...
ალონსოს აგენტი, ინაკი იბანიესი ჟურნალისტებს შეხვდა და განაცხადა, რომ მისი კლიენტი მომდევნო სეზონს ესპანეთის დედაქალაქში გაატარებს.
"ჩაბი არსად მიდის, დარწმუნებით შემიძლია გითხრათ, რომ ნახევარმცველს ამჟამინდელ კლუბთან არავითარი პრობლემა არ აქვს და მინიმუმ მომდევნო სეზონამდე თეთრ მაისურში გამოწყობილს ვიხილავთ."
"ტონის "რეალში" გადასვლა არაფერს ცვლის, ალონსოს ესპანეთის დედაქალაქში თავისი ადგილი უკავია."
"ბენიტესს და ბასკს ერთმანეთთან ძალიან კარგი ურთიერთობა აქვთ, ისინი ჯერ კიდევ "ლივერპულში" მუშაობის დროდან იცნობენ ერთმანეთს, თუმცა ამჟამად თანამშრომლობა ნამდვილად ვერ შედგება."
"ყველა გავრცელებულ ჭორს ვუარყოფ, ეს თემა დახურულია და მერწმუნეთ დროს ტყუილად ნუ დაკარგავთ."
- 18 ივლისი 2014
- 2 817
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
