ტონი კროოსი პრეზენტაციის შემდეგ ჟურნალისტების წინაშე წარსდგა

"მადრიდის რეალი": "ძალიან გახარებული ვიყავი, როცა "მადრიდის რეალისგან" ჩემდამი ინტერესის შესახებ გავიგე, შესაბამისად ყველაფერმა ისე ჩაიარა, როგორც მსურდა."

ზეწოლა: "მიყვარს ზეწოლა, ასე ვთამაშობ მას შემდეგ, რაც "ბაიერნში" გამოვდივარ...აქ ტიტულების მოსაგებად მოვედი. ყველაფერს გავაკეთებ იმისთვის, რომ "მადრიდის რეალს" დავეხმარო გახდეს კიდევ უფრო წარმატებული კლუბი."

ხედირა: "რა თქმა უნდა, აქ გადმოსვლამდე ველაპარაკე მას და აქაურობა დადებითად აღმიწერა და ამიხსნა ყველაფერი. რაც შეეხება მის მომავალს, ეს ხედირასა და "მადრიდის რეალის" საქმეა..."


გამორჩეული პოზიცია: "ბოლო წლების მანძილზე ნახევარდაცვის თითქმის ყველა პოზიციაზე ვითამაშე. გამიხარდება , თუ ცენტრალურ ნახევარდაცვაში ვითამაშებ, მაგრამ ამას არ აქვს მნიშვნელობა. ვითამაშებ იქ, სადაც მწვრთნელს და კლუბს დასჭირდება."

გვარდიოლა: "ის, რომ აქ ვარ, "მადრიდის რეალის" დამსახურებაა. არანაირი პრობლემა არ მქონია გვარდიოლასთან, პირიქით , ერთმანეთს ძალიან კარგად ვუგებდით და მას ვერაფერში ვერ გავაკრიტიკებ. არანაირი პრობლემა არ მქონდა მის გადაწყვეტილებებთან და არც მისი სტილი იყო მიუღებელი ჩემთვის."

ესპანეთი: "მალიორკაში ცოტა წავიმეცადინე ესპანურად და ორი სიტყვა ვიცი, Buenas tardes და "¡Hala Madrid!"

ნახევარფინალი "მადრიდის რეალის" წინააღმდეგ: "ჩემს გადაწყვეტილებას არაფერი საერთო არ აქვს იმ თამაშთან."

რატომ წახვედი "ბაიერნიდან": "იქ დიდი ხანი ვიყავი, ყოველთვის მოდის იმის დრო, რომ წინ გადადგა ნაბიჯი. მომეცა შანსი, რომ "მადრიდის რეალში" გადმოვსულიყავი და მეც უფრო მაღალ დონეზე ასვლის შანსი ხელიდან არ გავუშვი."

ევროპის სუპერ თასი და ხაბი ალონსოს დისკვალიფიკაცია: "ყველაფერი მწვრთნელის გადასაწყვეტია, ვიცი, რომ შესაძლოა 5 აგვისტოს მან თამაში გამოტოვოს. მწვრთელი თუ იტყვის, მე სათამაშოდ მზად ვიქნები."

ანჩელოტი და ვალდებაბასი: "მწვრთნელად მცირე საუბარი მქონდა, მაგრამ რაც ვილაპარაკეთ, ეს მხოლოდ ჩვენს შორის დარჩება"

მსოფლიო ჩემპიონატის საუკეთესო ფეხბურთელი: "რაც მნიშვნელოვანი იყო ის ტიტული ჩვენ მოვიპოვეთ, ასე რომ ჩემთვის ეს უფრო მნიშვნელოვანი იყო, ვიდრე ინდივიდუალური ჯილდო."

როცა "მადრიდის რეალის" მხრიდან ინტერესზე გაიგეთ: "დიდი ხნის წინ დამიკავშირდნენ, მაგრამ მაშინ არ მინდოდა გადაწყვეტილების მიღება, ვინაიდან მსოფლიო ჩემპიონატი მქონდა სათამაშო."

გამოწვევევი: "ყველაფრის მოგება, ისე როგორც ეს "ბაიერნში" იყო. თუ ვინ ითამაშებს, ამას მწვრთნელი გადაწყვეტს."

"მადრიდის რეალი": "ეს საუკეთესო კლუბია მსოფლიოში, რომელიც ერთი თავით მაღლა დგას "ბაიერნზე"

წყარო: AS