მანუელ პელეგრინის გუნდმა პარასკევს "ვალენსიასთან" მატჩამდე ბოლო ვარჯიში გამართა. ვარჯიში დახურულ კარს მიღმა გაიმართა. პელეგრინი ბოლო დეტალებს აზუსტებდა. მას სურს ლა ლიგის მეთოთხმეტე ტურში გაიმარჯვოს, რათა შეამციროს ქულათა სხვაობა "ბარსელონასთან".

ერთი კვირის შემდეგ გაიმართება კიდევ ერთი ტური. შემდეგ უკვე საშობაო არდადეგები იქნება. უნაი ემერის "ვალენსიას" სურს დაამარცხოს საკუთარ მოედანზე მადრიდული გრანდი. პელეგრინი "მესტალიაზე" არ დამარცხებულა 2007 წლის შემდეგ.

ამ თამაშისთვის მადრიდელი ფეხბურთელები გამალებით ემზადებიან. მათ სურთ დაამარცხონ "ვალენსია" მისსავე მოედანზე. ხაბი ალონსო და სერხიო რამოსი გაემართნენ სპორტდარბაზში. სანერვიულო არაფერია. ისინი ხვალ აუცილებლად ითამაშებენ "მესტალიაზე".

ამასთან ერთად გუტი, კაკა, მეცელდერი და ვან ნისტელროი ისევ აგრძელებენ ტრავმების მოშუშებას. ისინი ყოველდღიურად მოემზადებიან, რათა მალე გამოჯანმრთელდნენ.


ინფორმაციის წყარო: Realmadrid.com