ანხელ დი მარია მსოფლიო ჩემპიონატის ფინალში მონაწილეობას ვერ მიიღებს.

რამდენიმე დღის წინ ივარაუდეს, რომ მადრიდის „რეალის“ ფეხბურთელი, დი მარია ფინალამდე გამოჯანმრთელებას მოახერხებდა და არგენტინის ნაკრებს ტურნირის დასკვნით ეტაპზე დაეხმარებოდა. თუმცა არგენტინის გულშემატკივარს დღევანდელმა ინფორმაციამ იმედები გაუცრუა.

საქმე იმაშია, რომ ანხელ დი მარიამ გუშინ გუნდთან ერთად ივარჯიშა, თუმცა მან ტკივილები მაინც იგრძნო და მედიკოსების გადაწყვეტილებით, ანხელისთვის უმჯობესი იქნება თუ არ გარისკავს და არ ითამაშებს.

არგენტინის ნაკრების მთავარი მწვრთნელის, საბელას გადაწყვეტილებით დი მარიას ადგილს ენცო პერესი დაიკავებს.

Defensacentral.com