მადრიდის „რეალი“ ცენტრალური ნახევარმცველებით გადაიტვირთა.

როგორც მოგეხსენებათ, მიუნხენის „ბაიერნმა“ და მადრიდის „რეალმა“ შეთანხმებას უკვე მიაღწია ტონი კროოსის ტრანსფერთან დაკავშირებით, რის შედეგადაც სამეფო კლუბში ცენტრალური ნახევარმცველების ჭარბი რაოდენობა დაგროვდა.

ნახევარდაცვის ცენტრალურ რგოლში მადრიდულ კლუბში ამჟამად ირიცხებიან ისეთი უმაღლესი დონის ფეხბურთელები, როგორებიც არიან, ხაბი ალონსო, სამი ხედირა, ლუკა მოდრიჩი. მათ რიცხვს აგრეთვე მიემატა ტონი კროოსიც.

გუნდმა უკვე გადაწყვიტა კაზემიროს გაყიდვა და სავარაუდოდ ასეც მოხდება. თუმცა გაურკვეველია ასიერ ილარამენდის მდგომარეობა. იგი გუნდში მოსვლის შემდეგ ალონსოს შემცვლელად მოიაზრებოდა და თავიდან საკმაოდ კარგ შთაბეჭდილებასაც ტოვებდა. თუმცა გავიდა დრო და ილარამ კარლო ანჩელოტის ნდობა დაკარგა.

მას შემდეგ, რაც მადრიდის „რეალს“ კროოსი შეუერთდება, „სოსიედადის“ აღზრდილი ილარამენდი პრაქტიკულად დაკარგავს მოედანზე გამოსვლის შანსს. სწორედ ამიტომ, მისთვის უმჯობესი იქნება გუნდი დატოვოს.

Defensacentral.com