მანჩესტერ "იუნაიტედის" ხელმძღვანელობა ანხელ დი მარიასთვის ბრძოლაში სერიოზულად არის ჩაბმული...

გავრცელებული ინფორმაციით ინგლისელები მზად არიან არგენტინელ ფეხბურთელს წლიურად 8.5 მილიონი ევრო შესთავაზონ და კლუბის ერთ-ერთი ყველაზე მაღალანაზღაურებადი ფეხბურთელი გახადონ.

ამასთან ერთად "ემიუ" მზად არის ფეხბურთელის სარეკლამო უფლებების მხოლოდ 30% გააკონტროლოს, დანარჩენი 70% კი ანხელის განკარგულებაში იქნება.

არგენტინელი შემტევისთვის "მანჩესტერს" ნამდვილად კომფორტული წინადადება აქვს, თავად ფეხბურთელის პოზიცია პრემიერლიგასთან დაკავშირებით ჯერ-ჯერობით უცნობია. სავარაუდოდ ყველაფერი მუნდიალის დასრულების შემდეგ გაირკვევა.