„რეალის“ ტრიუმფალური სეზონი, ძლიერი შემადგენლობის დამსახურებაა.

როგორც ცნობილია, კლუბის ხელმძღვანელობა ძირეული ცვლილებების განხორციელებას არ აპირებს პირველ გუნდში.ამისათვის კი, რამდენიმე ფეხბურთელთან ახალი ხელშეკრულების დადება დგას დღის წესრიგში.

წინა პლანზეა წამოწეული, ბენზემას, ხედირასა და მორატას კონტრაქტები.აღნიშნულ მოთამაშეებს 2015 წლის ივნისში ეწურებათ მადრიდელობის ვადა.წინასწარი ინფორმაციით, ფრანგი თავდამსხმელი მალე ეწვევა „სანტიაგო ბერნაბეუს“ და ხელს მოაწერს გახანგრძლივებას, ხოლო სემისა და ალვაროს ბედი კვლავ გაურკვევლია.მათ „ბლანკოსის“ დატოვებას უწინასწარმეტყველებენ მიმდინარე სატრანსფერო ფანჯარაზე.

ამასთანავე, განიხილება რამოსისთვის გაუმჯობესებული პირობების შეთავაზება.

რაც შეეხებათ დანარჩენ მადრიდისტებს, ბელის კონტრაქტს 2020 წელს გასდის ყავლი, ილიარას, კოენტრაუს დანის და ისკოს 2019 წ; რონალდუს 2018 წ; მოდრიჩს, ალონსოს, პეპესა და არბელოას 2016 წ; კაზემიროს, რამოსს, კასილიასს, ლოპესსა და ვარანს 2017 წ; ნაჩო ფერნანდესს 2021 წ.

Marca