2007 წლის შემდეგ მანუელ პელეგრინი არ დამარცხებულა "ვალენსიასთან". ჩილელი სპეციალისტის "ვილიარეალმა" ხუთ შეხვედრაში "ვალენსიას" 15 გოლი გაუტანა.

მადრიდის "რეალის" მორიგი მეტოქე ლა ლიგაში "ვალენსიაა". მათ მანუელ პელეგრინის "ვილიარეალთან" ხუთ შეხვედრაში გაუშვეს 15 გოლი. "ვილიარეალმა" "ვალენსიასთან" ოთხი შეხვედრა მოიგო, ხოლო ერთი ფრედ დაასრულა. თითო მატჩში კი სამი გოლი გაიტანა. ჯამში კი 15 გოლი.

სამი შეხვედრა "ვილიარეალმა" "მესტალიაზე" გამართა და აქედან ორი მოიგო, ერთი ფრედ დაასრულა. ორი მატჩი კი შინ "ელ მადრიგალზე" გამართა და ორივე მოიგო. ამ ხუთივე შეხვედრაში კი პელეგრინის ყოფილმა გუნდმა 15 გოლის გატანა მოახერხა (2:3, 0:3, 3:0, 3:3 და 3:1).

ახლა უკვე პელეგრინი მადრიდის "რეალის" დაუპირისპირდება "ვალენსიას". ეს იქნება ჩილელი სპეციალისტის პირველი ვიზიტი "მესტალიაზე" "სამეფო კლუბის" მწვრთნელის რანგში.


ინფორმაციის წყარო: Realmadrid.com