კოლუმბიის ნაკრების კაპიტანმა, მარიო ალბერტო იეპეს დიასმა ხამეს როდრიგესზე ისაუბრა და განაცხადა, რომ ის არნახული ნიჭის მატარებელი ფეხბურთელი გახლავთ...

"მას შემდეგ, რაც პროფესიონალური კარიერა დავიწყე უდიდესი დრო გავიდა, არაერთი ნიჭიერ ახალგაზრდას შევხვედრივარ, რომელიც საბოლოო ჯამში ვარსკვლავი გახდა."

"ყოველთვის დიდ პატივს ვცემდი რიკარდო კაკას, რომელიც განსაკუთრებული თვისებებით გამოირჩეოდა. გული მწყდება, რომ ბრაზილიელი მოთამაშე საკუთარ სამშობლოში ნაკრებთან ერთად არ იმყოფება."

"ხამეს როდრიგესი განსაკუთრებული ფეხბურთელია. უკვე 36 წლის ვარ, მაგრამ მისი სტილის მოთამაშეები იშვიათად მინახავს."

"დარწმუნებული ვარ გავა 10 წელი და ხამესი კოლუმბიური ფეხბურთის ლეგენდა იქნება, მან ევროპაში საკუთარი ისტორია უნდა დაწეროა, ამისთვის ყველანაირი მონაცემი აქვს."

"არ ვიცი გააგრძელებს თუ არა იგი კარიერას ესპანეთში, თუმცა დარწმუნებული ვარ მომდევნო სეზონი ძალიან ბევრის მანიშნებელი იქნება."

"ხამესს არაერთხელ განუცხადებია, რომ მადრიდის "რეალს" გულშემატკივრობს და მისი კუმირი კრიშტიანო რონალდუ გახლავთ. დაახლოებით ვხვდები თუ რა ბედნიერება იქნება მისთვის "ბლანკოსში" თამაში, თუმცა რამდენად მოხერხდება მისი ესპანეთის დედაქალაქში გადაბარგება ვერ გეტყვით, რადგან ამ საკითში კომპეტენტური საერთოდ არ ვარ."