მოგეხსენებათ, ლონდონის "არსენალის" ხელმძღვანელობამ სამეფო კლუბს ოფიციალური წინადადებით მიმართა. "მეთოფეები" მზად არიან გაგერმანელებული ტუნისელის სანაცვლოდ 28.5 მილიონი ევრო გადაიხადონ...

დღეს კი Fox Sport ავრცელებს ინფორმაციას იმის შესახებ, რომ არსენ ვენგერის გუნდს კონკურენტი გამოუჩნდა, ეს კლუბი კი მერსისაიდული ლივერპული გახლავთ, რომელიც თვლის, რომ სამი სტივენ ჟერარდთან ერთად დიდებულ დუეტს შექმნის.

მერსისაიდელები მზად არიან ფეხბურთელის სანაცვლოდ 30 მილიონი ევრო გაიღონ, რაც 1.5 "ლიმონით" აღემატება ლონდონელთა შეთავაზებას.

ჯერ-ჯერობით უცნობია საკონტრაქტო პირობები. არც დედაქალაქელები და არც ლივერპულელები არ საუბრობენ იმაზე, თუ რამდენ წლიან ხელშეკრულებას შესთავაზებენ ფეხბურთელს, ასევე უცნობია გასამრჯელოს ოდენობა. სავარაუდოდ ეს თემა იმ შემთხვევაში გახდება აქტუალური, თუ "ბლანკოსი" ფეხბურთელის გაშვებაზე თანხმობას განაცხადებს.

ამასთანავე ექსპერტების ვარაუდით ხედირა მხოლოდ იმ შემთხვევაში შეიძლება დადგეს ტრანსფერზე, თუ ფლორენტინო პერესი მიუნხენის "ბაიერნთან" შეთანხმებას მიაღწევს და საკუთარ გუნდში ტონი კროოსს ჩარიცხავს.