მიუხედავად იმისა, რომ ტონი კროოსის გამადრიდელება თითქმის გადაწყვეტილია, ბლანკოსის ხელმძღვანელები კიდევ ნახევარმცველის შეძენას აპირებენ.

როგორც ზემოთ აღვნიშნეთ, ტონი კროოსი უკვე თითქმის მადრიდის „რეალის“ ფეხბურთელია. საფეხბურთო სამყარო ამ ტრანსფერის გაოფიციალურებას ელოდება ბევრი ფიქრობდა, რომ ბლანკოსის ხელმძღვანელობა მეტ ნახევარმცველს არ შეიძენდა. თუმცა დღეს Bild-ის მიერ გავრცელებული ინფორმაცია ამ ფაქტს გამორიცხავს.

საქმე იმაშია, რომ სამეფო კლუბმა თვალი დაადგა „ვოლფსბურგის“ ფეხბურთელს, ბრაზილიელ ლუის გუსტავოს. პერესის აზრით, გუსტავო კარგად ასპარეზობს მიმდინარე მსოფლიო ჩემპიონატზე. სწორედ ამიტომ, მადრიდის „რეალის“ პრეზიდენტმა, გერმანული კლუბის ხელმძღვანელების დასაყოლიებლად 15 მილიონი ევრო გაამზადა.

Defensacentral.com