ფრანგული პრესა უკვე ძალიან აქტიურად წერს რადამელ ფალკაოს მადრიდის "რეალში" გადასვლის შესახებ. დღეს კი L'Equipe-მ საკმაოდ საინტერესო ინფორმაცია გაავრცელა, რომელიც ანხელ დი მარიასა და კოლუმბიელი ფორვარდის ბარტერს ეხება...

ამავე წყაროზე დაყდნობით, "მონაკო" მზადყოფნას გამოთქვამს ფალკაოს გაშვებაზე, თუმცა მის ნაცვლად საკუთარი გუნდის რიგებში არგენტინელი შემტევის, ანხელ დი მარიას ხილვა სურს.

"ბლანკოსსა" და ანხელიტოს შორის ბოლო დროს არც ისე კარგად განვითარდა მოვლენები, რადგან მუნდიალის მიმდინარეობისას ფეხბურთელმა რამდენჯერმე განაცხადა, რომ შესაძლოა მადრიდის "რეალი" დატოვოს და სხვა კოლექტივში გადავიდეს საასპარეზოდ.

მიუხედავად იმისა, რომ კარლო ანჩელოტის არგენტინელი ნახევარმცველი ძალიან მოსწონს, დიდი შანსი იმისა, რომ ანხელი ფალკაოს ტრანსფერში ჩაერთოს და ფლორენტინო პერესს კოლუმბიელი წინახაზელის სანაცვლოდ თანხის გადახდა აღარ მოუწიოს.

რადამელი "რეალში" თამაშის სურვილს ღიად გამოთქვამს, მან რამდენიმე შემოთავაზება სწორედ "მერენგების" გამო დაბლოკა, აქედან გამომდინარე ნათელია, რომ ფეხბურთელთან არანაირი პრობლემა არ იქმნება, ახლა უკვე ყველას აინტერესებც დათმობს თუ არა მადრიდული გიგანტი ანხელ დი მარიას. დაველოდოთ მოვლენათა განვითარებას.