გერმანულ მედიაზე დაყრდნობით, ბრემენის "ვერდერი" სამეფო კლუბის ესპანელი მცველის, ალვარო არბელოას გადაბირებით არის დაინტერესებული...

ტრავმის შემდეგ ალვაროს საქმეები ცუდად წავიდა. პირველ რიგში თავი გამოიჩინა დანიელ კარვახალმა, რომელიც მისი დიდი კონკურენტი იყო, ახალგაზრდა "კანტერანომ" კარლო ანჩელოტის იმედები ყველა პაერქობაში გაამართლა.

ვისენტე დელ ბოსკეს გადაწყვეტილებით ალვარო ეროვნულ ნაკრებს მიღმაც დარჩა, ულვაშას აზრით "ფურია როხას" არბელოაზე ბევრად ძლიერი მცველები ჰყავდა შემადგენლობაში.

ჯერ-ჯერობით უცნობია რას ფიქრობს კარლო ანჩელოტი და სურს თუ არა "კასტილიის" აღზრდილის სხვა კლუბში გაშვება, თუმცა მას მსურველი უკვე გამოუჩნდა.

"ვერდერს" ესპანელი უკანახაზელის შეძენა სურს, ბრემენელები მზად არიან ფეხბურთელის სანაცვლოდ 7.5 მილიონი ევრო გამოყონ, ფეხბურთელთან კი 3 წლიანი ხელშეკრულება გააფორმონ.

ამ ეტაპზე არბელოა შვებულებაში იმყოფება და ყოველგვარი კომენტარის გაკეთებისგან თავის შეკავებას არჩევს.