მადრიდის "რეალმა" სატრანსფერო ფანჯრისთვის ფინანსები გამოყო.

როგორც ესპანური სპორტული გამომცემლობები იტყობინებიან, სამეფო კლუბმა სამი სამიზნე ამოირჩია. ესენი არიან, ხამეს როდრიგესი, ფალკაო და ტონი კროოსი. მათ შესაძენად ბლანკოსის ხელმძღვანელობა თავდაუზოგავად იშრომებს.

პრესის ინფორმაციით, ფლორენტინო პერესმა მაქსიმალური თანხის ოდენობა გამოყო ამ სამეულის გასამადრიდელებლად. პერესი მიუნხენის „ბაიერნს“ მაქსიმუმ 40 მილიონ ევროს გადაუხდის გერმანელი ნახევარმცველის, ტონი კროოსის სანაცვლოდ. დონ ფლორენტინოს აზრით, ხამეს როდირგესი 35 მილიონზე მეტი არ ღირს და ამაზე მეტი თანხის გადახდას არ აპირებს.

რაც შეეხება რადამელ ფალკაოს, მადრიდის „რეალის“ ხელმძღვანელობა მაქსიმუმ 60 მილიონ ევროს გადაუხდის „მონაკოს“ კოლუმბიელი თავდამსხმელის ესპანეთის დედაქალაქში გადასაბარგებლად. საბოლოო ჯამში გამოდის, რომ პერესი 135 მილიონ ევროს დახარჯავს.

Defensacentral.com