ბრაზილიისა და მადრიდის რეალის მარცხენა მცველმა, მარსელო ვიეირამ განაცხადა, რომ მიმდინარე მუნდიალზე მას შემართება არ აკლია და თასის მოგება სურს...

"შეცდომებზე ბევრი რამ ვისწავლეთ, ახლა გაცილებით უკეთესი გუნდი ვართ, ვიდრე ხორვატებთან დაპირისპირებაში ვიყავით."

"ჟულიო სეზარმა ძალიან დიდი დახმარება გაგვიწია. რომ არა კიპერი, ჩვენ ახლა შესაძლოა შვებულებაში ვყოფილიყავით. ბევრი პრობლემა შეგვექმნა, მაგრამ ახლა 1/4 ფინალში ვიმყოფებით და ჩემპიონობის იმედი გვაქვს."

"კოლუმბიელებთან დაპირისპირება ურთულესი იქნება, მათ გააღწიეს ჯგუფიდან, შემდეგ დაამარცხეს ურუგვაი, რომელმაც იტალია და ინგლისი დატოვა ჯგუფში, დამეთანხმებით, ეს იოლი არ გახლავთ, აქედან გამომდინარე მძიმე პაექრობას ველოდები, სადაც მაქსიმუმის გაღება მოგვიწევს. სკოლარისთან ინტენსიური საუბრები გვაქვს, მთავარი მწვრთნელი ცდილობს ფსიქოლოგიურად დაგვმუხტოს."

"ჩილელებთან გამარჯვებით უდიდესი სიხარული განვიცადეთ, მაგრამ ეიფორიის დრო არ არის, ყველაფერს გავაკეთებთ მომდევნო მეტოქის ძირითად 90 წუთში დასამარცხებლად."