ემილიო ბუტრაგენიომ ჟურნალისტებთან საუბრისას განაცხადა, რომ სამეფო კლუბს გარკვეული ცვლილებები ესაჭიროება, თუმცა ეს არ იქნება ძირეული გარდაქმნა...

"ჩემპიონთა ლიგის მოგების შემდეგ ვიცით, რომ კონკურენცია კიდევ უფრო გაიზრდება, ჩვენ კი ტიტულის დაცვა გვუსრს, ამისთვის გუნდს ახალი სისხლი ესაჭიროება."

"რამდენიმე გუნდთან ინტენსიური მოლაპარაკებები მიმდინარეობს, ჩვენ მთელი ზაფხულის მანძილზე ვიმუშავებთ იმისათვის, რომ სეზონის სტარტზე ოპტიმალური შემადგენლობა გვყავდეს."

"ცვლილებები აუცილებელია, თუმცა ძირეულ გარდაქმნებს არ ვგეგმავთ, რადგან კარლო ანჩელოტიმ უკვე ჩამოაყალიბა ის ღერძი, რომელიც წლების მანძილზე დაიცავს კლუბის ღირსებას."

"ისკო ალარკონი გაყიდვა გამორიცხულია, ჩვენ მასზე დიდ იმედებს ვამყარებთ და არანაირ შემოთავაზებას არ ვპასუხობთ. ანალოგიურის თქმა შემიძლია ლუკა მოდრიჩზეც, ხორვატი ფებურთელის კარლოს ფორმაციის "რეალში" შეუცვლელი ფიგურაა."

"ანხელ დი მარიასთან დაკავშირებით საუბარი ნაადრევია, ის გადაწყვეტილებას მუნდიალის დასრულების შემდეგ მიიღებს, თუმცა ჩვენი პოზიცია საყოველთაოდ ცნობილია, არგენტინელისთვის ჩვენი გუნდის კარი ყოველთვის ღიაა."

"გარეთ ბეილზე დიდ იმედებს ვამყარებთ, ჩემი აზრით უელსელი პრესოზონის შემდეგ ბევრად უფრო ეფექტური იქნება და მომდევნო სეზონში კრიშტიანოსთან ერთად დიდებულ ტანდემს შექმნის."