ლეგენდარულმა "ელ კაპიტანომ" კრიშტიანო რონალდუსა და პორტუგალიის ნაკრებზე ისაუბრა...

"წლევანდელი მსოფლიო ჩემპიონატი მოულოდნელობებით აღსავსეა. ჯგუფური ეტაპი დასრულდა და დასკვნით ფაზაში ისეთი ნაკრებები ვერ ითამაშებენ, როგორებიც იტალია, ესპანეთი, პორტუგალია და ინგლისი არიან. დამეთანხმებით, მათ გარეშე ჩემპიონატმა ხიბლი დაკარგა, თუმცა ეს იმას არ ნიშნავს, რომ ფლეი-ოფები უინტერესო იქნება."

"კრიშტიანო რონალდუ მუნდიალზე დაზიანებით ასპარეზობდა, რამაც საბოლოო ჯამში მისი ნაკრების ფიასკო გამოიწვია. მუნდიალმა რონი დაჩრდილა, არადა მან სამეფო კლუბში შესანიშნავი სეზონი გაატარა, რის საფუძველზეც ოქროს ბურთსა და ბუცს დაეუფლა."

"ტურნირის ფავორიტი ბრაზილიაა. არ ვფიქრობ, რომ ლუიშ ფელიპე სკოლარის ოპტიმალური შემადგენლობა ჰყავს, მათ გარკვეულ ასპექტებში ნამდვილად უჭირთ, თუმცა გასათვალისწინებელია, რომ ისინი მასპინძლები არიან, გულშემატკივრები კი თითოეულ დაპირისპირებაში უდიდეს როლს თამაშობენ."