ალონსოს პრობლემები
მოგეხსენებათ, ჩაბი ალონსომ ჩემპიონთა ლიგის ფინალში მადრიდის "ატლეტიკოს" წინააღმდეგ დისკვალიფიკაციის გამო ვერ იასპარეზა, რამაც სამეფო კლუბს საკმაოდ დიდი პრობლემები შეუქმნა...
ესპანელი ნახევარმცველი მატჩის პერიპეტიებს თვალს სტადიონის ტრიბუნებიდან ადევნებდა, სამეფო კლუბის გოლის შემდეგ კი ის ჯებირს გადაახტა და მოედანზე შევარდა თანაგუნდელებთან ერთად გოლის აღსანიშნავად, რაც შესაძლოა ბასკს საკმაოდ ძვირად დაუჯდეს.
"უეფას" სადისციპლინო კომიტეტმა გადაწყვეტილება უნდა მიიღოს. დიდი შანსია იმისა, რომ ალონსო ორი მატჩით დაისაჯოს, რაც უდიდესი დარტყმა იქნება კარლო ანჩელოტისთვის.
გავრცელებული ინფორმაციით ჩაბის ევროპის სუპერ თასის ფინალში მონაწილეობის მიღება კითხვის ნიშნის ქვეშ დგას. "უეფამ" ამ საკითხზე 17 ივლისს უნდა იმსჯელოს.
ასევე არის მოსაზრება იმასთან დაკავშირებით, რომ ბასკს შესაძლოა თასის ფინალში თამაშის საშუალება მისცენ, მაგრამ ჩემპიონთა ლიგის ჯგუფური ეტაპის პირველი დაპირისპირება გამოატოვებინონ, რაც დედაქალაქელთათვის ოპტიმალური ვარიანტი იქნება.
- 27 ივნისი 2014
- 3 041
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
