ბოსკე : "ეჭვი არ მეპარება ზიზუ ღირსეულ ფეხბურთელებს გაზრდის"
ვისენტე დელ ბოსკეს განცხადებით, ფლორენტინო პერესი სწორ გზას ადგას. ზინედინ ზიდანის კასტილიის მთავარ მწვრთნელად დანიშვნით, გუნდი დიდ ფეხბურთელებს მიიღებს...
"ის, რაც ახლა მადრიდის "რეალში" ხდება, თავიდან ბოლომდე იმის იდენტურია, რაც წლების წინ კატალონიის "ბარსელონაში" ხდებოდა. ხოსეპ გვარდიოლამ დიდი თაობა გაზარდა, შემდეგ კი რაც ქნა ყველამ კარგად ვნახეთ, წლების მანძილზე "ბლაუგრანა" უძლეველი გუნდი იყო და ყველაზე ლამაზ ფეხბურთს თამაშობდა."
"სამეფო კლუბს ყველა პირობა აქვს იმისთვის, რომ დიდებული ფეხბურთელები გაზარდოს. "კასტილიაში" მთავარ მწვრთნელად ზინედინის დანიშვნად მივესალმე, ის ძალიან მაღალი დონის ფსიქოლოგია, კანტერაში მუშაობა მის სამწვრთნელო კარიერას მნიშვნელოვან დაღს დაასვამს."
"ესპანეთის დედაქალაქში არაერთი ნიჭიერი ფეხბურთელია, რომელიც სხვადასხვა ასაკობრივ ჯგუფში ირიცხება, ამ რესურსს გამოყენება სჭირდება."
"კაზემირო, მორატა, ხესე, ნაჩო და კიდევ სხვანი, მართლაც დიდებული მოთამაშეები არიან, რომლებმაც დიდი გზა გამოიარეს ახალგაზრდულ კლუბში, დარწმუნებული ვარ მოვა დრო, როდესაც მათ რიცხვს არაერთი ახალბედა შეემატება."
- 26 ივნისი 2014
- 2 076
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
