მსოფლიო ჩემპიონატის A ჯგუფში ბოლო ტურის თამაშები გაიმართა.

ხორვატიის ეროვნულ ნაკრებს სამარცხვინოდ მოუწია მუნდიალიას დასრულება.მექსიკელებთან დაპირისპირებამდე, ევროპელებს კარგი შანსი ჰქონდათ 1/8 ფინალის საგზურის მოპოვებისა, თუმცა ჩრდილო ამერიკელებს 3 გოლს (მარკესი, გუარდადო და ჩიჩარიტო) მხოლოდ ერთით (პერიშიჩი) უპასუხეს.

ლუკა 90 წუთის განმავლობაში ირჯებოდა მწვანე მინდორზე, თუმცა ღირებული არაფერი შეუქმნია.

თავის მხრივ, ჯგუფიდან პირველი პოზიციით გასვლა მშვიდად გაიფორმა მასპინძელმა ბრაზილიამ.სკოლარის დარიგებულებმა, ნეიმარის დუბლის, ფრედისა და ფერნანდინიოს წყალობით 4-1 ძლიეს კამერუნელებს.

მარსელომ, რომელიც 90 წუთის განმავლობაში აქტიურად იყო ჩართული მატჩის პერიპეტიებში, 1 საგოლე გადაცემაც ჩაიწერა აქტივში.

ცნობისათვის, უკვე ოფიციალურად, „რეალის“ 4 მოთამაშე გამოეთიშა მსოფლიოს უმთავრესს საფეხბურთო ფორუმს.