„ლივერპულის“ ფეხბურთელი, ლუის სუარესი კვლავ რჩება მადრიდის „რეალის“ მთავარ სამიზნედ.

მიუხედავად იმისა, რომ ბენზემა მიმდინარე მუნდიალზე ამტკიცებს თავის შესაძლებლობებს, სამეფო კლუბის ხელმძღვანელობა მაინც იბრძვის ლუის სუარესისთვის.

ურუგვაელმა ფორვარდმა ინგლისის წინააღმდეგ მატჩში დაამტკიცა, რომ იგი ერთ-ერთი საუკეთესო თავდამსხმელია მსოფლიოში და სწორედ ამიტომ, ფლორენტინო მას ხელიდან არ გაუშვებს.

თუმცა არის ერთი პრობლემა. გავრცელებული ინფორმაციით, კატალონიის „ბარსელონას“ ხელმძღვანელობამ უკვე გაამზადა საკმაოდ საინტერესო წინადადება. „ბარსას“ პრეზიდენტი მზად არის შეელიოს ალექსის სანჩესს და 50 მილიონ ევროს, რის სანაცვლოდაც იგი ურუგვაელ ფორვარდს, სუარესს გაიფორმებს.

Defensacentral.com