დიდიე დეშამის დამოძღვრილებმა, მსოფლიო ჩემპიონატის ჯგუფური ეტაპის მეორე ტურში, გამანადგურებელი ანგარიშით დაამარცხეს შვეიცარიელები.

სალვადორში გამართულ დაპირისპირებაში, 73-ე წუთამდე მხოლოდ ფრანგები იჩენდნენ თავს.ჟირუს, მატუიდის, ვალბუენას, ბენზემასა და სისიკოს წყალობით, „თეთრებში“ გამოწყობილი მოთამაშეები 5-0 ამარცხებდნენ მოწინააღმდეგეს, თუმცა ნომინალურმა მასპინძლებმა, მეორე ტაიმის მიწურულს 2 გოლის გაქვითვა მოახერხეს (ჯემაილი და ჰაკა).

აღსანიშნავია, რომ პირველ ნახევარში, კარიმმა თავისივე მოპოვებული პენალტის რეალიზაცია ვერ მოახერხა, თუმცა გარდა ამისა, 2 საგოლე პასი ჩაიწერა აქტივში და ვარანთან ერთად, სრულად ჩაატარა შეხვედრა.

ცნობისათვის, ამ მუნდიალზე უკვე მეორედ, ბენზემა მატჩის საუკეთესო ფეხბურთელი გახდა.