რაფაელ ვარანი და კარიმ ბენზემა სრულ მზადყოფნაში არიან.

საფრანგეთის ნაკრების მთავარმა მწვრთნელმა, დიდიე დეშამმა დღევანდელი მატჩისთვის ძირითადი შემადგენლობა გაამზადა. ცენტრალური ფორვარდებიდან წლევანდელ მუნდიალზე ერთ-ერთი საუკეთესო რაღა თქმა უნდა, კარიმ ბენზემაა, რომელმაც ჰონდურასის წინააღმდეგ მატჩში დუბლი შეასრულა და მესამე გოლიც მის აქტიურობას მოჰყვა. სწორედ ამიტომ, საფრანგეთის ნაკრების თავკაცი, მას სრულ ნდობას უცხადებს.

რაც შეეხება დაცვის ცენტრს, აქ პოზიციას გაამყარებს მადრიდის „რეალის“ ახალგაზრდა ფეხბურთელი, რაფაელ ვარანი. ამ უკანასკნელმა წინა მატის დასრულების შემდეგ მცირე დისკომფორტი იგრძნო, თუმცა უკვე სრულად გამოჯანმრთელდა და დღეს მწვანე მინდორზე „ლივერპულელ“ სახოსთან ერთად შეწყვილებული გამოვა.

შეგახსენებთ, რომ თბილისის დროით 23:00 საათზე, გაიმართება მატჩი საფრანგეთისა და შვეიცარიის ნაკრებებს შორის.

Defensacentral.com