ლეგენდარულმა ესპანელმა ფეხბურთელმა, გაისკა მენდიეტამ იკერ კასილასს მხარდაჭერა აღუთქვა და განაცხადა, რომ ყველა ვარკსვლავის ცხოვრებაში დგება კრიტიკული მომენტი, თუმცა პროფესიონალი სწორედ იმისთვის ხარ, რომ დაბრკოლების გადალახვას უფრო იოლად ახერხებ...

"ყველამ ძალიან კარგად იცის, რომ იკერი დიდებული მეკარე გახლავთ, მან არაერთი ჯილდო მოიგო როგორც ნაკრების, ასევე მადრიდის "რეალის" მაისურით და თითოეულ ტიტულში უდიდესი წვლილი შეიტანა."

"კასილასს ესპანეთის ნაკრებში ყველაზე დიდი ავტორიტეტი აქვს, ჩვენ ხალხს ის ძალიან უყვარს და აფასებს, აქედან გამომდინარე არამგონია მან თავი მარტო იგრძნოს."

"ვისენტე დელ ბოსკე ჭკვიანი მწვრთნელია და მან ძალიან კარგად იცის თუ რა დონის კიპერია იკერი, აქედან გამომდინარე კარის დარაჯის შეცვლაზე საუბარი ჩემი აზრით ზედმეტია."