როგორც მოგეხსენებათ, გუშინ ფაბიო კოენტრაომ ძალიან მძიმე დაზიანება მიიღო გერმანიის წინააღმდეგ გამართულ მატჩში. ამ ფაქტთან დაკავშირებით ფეხბურთელმა კომენტარი გააკეთა.

"ვშიშობ, ჩემთვის მსოფლიო ჩემპიონატი დასრულებულია. ტრავმა საკმაოდ სერიოზულია და ეჭვი მეპარება სტადიონზე შემოსვლა ისევ შევძლო. ასეთი ფაქტები სამწუხაროდ ხშირად ხდება ფეხბურთში. ეს იყო ჩემი კარიერის ყველაზე ცუდი დღე. დავმარცხდით და თან მძიმე დაზიანებაც მივიღე. ყველაფრის მიუხედავად, იმედი მაქვს ჩემი თანაგუნდელები შემდეგ ეტაპზე გავლენ."

შეგახსენებთ, რომ პორტუგალიის ნაკრების ექიმმა, ენრიკე ჟონასმა შეისწავლა უგო ალმეიდას და ფაბიო კოენტრაოს ტრავმები და ოფიციალური განცხადებაც გაავრცელა. ორივე ფეხბურთელს დაახლოებით ორი კვირა მოუწევთ უქმობა. რაც თავისთავად იმაზეც მეტყველებს, რომ კოენტრაო და ალმეიდა გამოტოვებენ მატჩებს განას და ამერიკის შეერთებული შტატების ნაკრებ გუნდებთან.

Insidespanishfootball.com