ლეგენდარულმა უგო სანჩესმა მადრიდის რეალზე ისაუბრა და განაცხადა, რომ ამ კლუბს აუცილებლად სჭირდება რამდენიმე ტრანსფერის განხორციელება, რადგან მომდევნო სეზონი მეტისმეტად დაძაბული იქნება...

"ლუის სუარესი არის გამანადგურებელი ფეხბურთელი, მისი ტემპერამენტი ყველას აღაფრთოვანებს, ურუგვაელ ფეხბურთელს ყველა ის თვისება აქვს, რაც სამეფო კლუბის ცხრიანს შეიძლება ჰქონდეს, დარწმუნებული ტრანსფერის გაჩარხვის შეთხვევაში ლუისი "რეალის" ისტორიის ერთ-ერთი საუკეთესო ფეხბურთელი გახდება, მას ყველა მონაცემები აქვს იმისათვის, რომ ყველა კრიტერიუმი დააკმაყოფილოს."

"კარიმ ბენზემას ძალიან ნაყოფიერ ფორვარდად მივიჩნევ, თუმცა ვფიქრობ, რომ მას აგრესია აკლია და ხშირ შემთხვევაში იოლად ნებდება, მას არ აქვს ქარიზმა, რაც აუცილებლად სჭირდება."

"ფრანგ ფეხბურთელს შეუძლია როგორც ცენტრალურ, ასევე უკან დახეულ ფორვარდად ასპარეზობა. ვთვლი, რომ ბენზემა არსად არ უნდა წავიდეს."

"დიეგო კოშტა ძალიან მომწონს, ის ყოველთვის დაგეშილია მეტოქის კარზე და მცველებს მოსვენების საშუალებას არ აძლევს, მისი სტილის ფეხბურთელები ჩემში ყოველთვის დიდ სიმპატიას და დიდ პატივისცემას იწვევენ."