Sky Sports-ის ინფორმაციით კარლო ანჩელოტი მატეო კოვაჩიჩის აგენტს დაუკავშირდა.

როგორც ირკვევა ანჩელოტიმ თვალი ხორვატ ნახევარმცველს დაადგა და იგი ეცდება შემდეგი სეზონიდან კოვაჩიჩი თავისი გუნდის სრულუფლებიანი წევრი გახადოს.

მატეო კოვაჩიჩი ავსტრიაში დაიბადა, თუმცა მან ხორვატიის პასპორტი აიღო და დღეს იგი მუნდიალზე სწორედ ხორვატიის სახელს იცავს. მატეოს მაისში 20 წელი შეუსრულდა და ანჩელოტის აზრით, იგი იმდენად ნიჭიერია, რომ შეძლებს სამეფო კლუბის დახმარებას.

გუშინ შედგა მისი დებიუტი მუნდიალზე. მატეო კოვაჩიჩმა მატჩი პირველივე წუთებიდან დაიწყო. იგი ცენტრში ლუკა მოდრიჩთან და რაკიტიჩთან ერთად თამაშობდა. შეხვედრის 60-ე წუთზე კი მატეო შეცვალეს. უნდა აღინიშნოს რომ ახალგაზრდა ფეხბურთელმა საკმაოდ კარგი შთაბეჭდილება დატოვა და სწორედ ამით მიიპყრო მან ანჩელოტის ყურადღება.

As.com